Welcome to Гомельская областная организация общественного объединения «Белорусское˙товарищество˙инвалидов˙по˙зрению»   Нажмите, чтобы прослушать выделенный текст! Welcome to Гомельская областная организация общественного объединения «Белорусское˙товарищество˙инвалидов˙по˙зрению»

«Ёсць у сэрцы глобуса краіна –Белая і чыстая зямля. Крыламі спавітая буслінымі Родная староначка мая….»

Святлана Каленчукова, мае інваліднасць па зроку. Яна не бачыць навакольны свет, яна яго адчувае…

З’яўляецца дыпламантам трэцяй ступені ў намінацыі “вершы” ў Міжнародным конкурсе “Пачуць адзін аднаго” г. Курск, Расійская Федэрацыя 2013 год, лаўрэат Міжнароднай літаратурнай прэміі ім. В. С. Алёхіна Г. Курск, Расійская Федэрацыя, дыплом першай ступені ў намінацыі “Проза” на міжнародных Алёхінскіх чытаннях г. Курск, Расійская Федэрацыя 2017 год, старшыня Рэчыцкага аддзялення РГА Беларускі літаратурны саюз «Полацкая галіна».Неаднаразова станавілася пераможцам у раённых, абласных, рэспубліканскіх паэтычных конкурсах. Раённая газета “Дняпровец” г. Рэчыца пастаянна публікуе новыя вершы жыццялюбнай і творчай паэткі. У яе вершах далікатных, душэўных, праніклівых апяваюцца прыгажосць, дабрыня і любоў.

На вашу ўвагу, прапануем верш аб малой радзіме ад Святланы Каленчуковай, г. Рэчыца.

Белы бусел. Чэрвень 2015

Ёсць у сэрцы глобуса краіна –

Белая і чыстая зямля.

Крыламі спавітая буслінымі

Родная староначка мая.

Мова калыханкаю ільецца

Разам з мацярынскім малаком,

А сучаснае з мінулым ў’ецца

Пад старым апаленым дубком.

Абдыму,

Адчую боль і моц…

Па галлі, нібыта, як па венах

Жудам, жахам крываточыць лёс.

Памяццю жывой шапоціць лісце:

– Не забудзь. Ніколі не забудзь…

Парасло гадамі папялішча

Зноў буслы гняздо на дубе ўюць.

Позірк узніму ў блакіт нябёсаў –

Пырсне сонейка ў твар цяплом.

І з бусламі да аблок бялёсых

Мары паляцяць мае штодзён.

Белы бусел – птушка Беларусі –

Сіімвал міру, шчасця і сям’і.

Мару аб адным я і малюся,

Каб ніколі не было вайны.

Сэрцайка кранецца запаветаў…

Да дубочка зноў ляцяць буслы.

Спадчыну ад прадзедаў і дзедаў

Цалкам абяцаю сберагчы.

Са слоў Святланы-яна вельмі шмат марыць, але гэта ані не перашкаджае быць рэалісткай.

“Напэўна, калі марыш, свет бачыцца па-іншаму. Ёсць мары рэальныя, якія ўвасабляюцца ў жыццё, дзякуючы Любові, Жадання і Імкнення.

А ёсць мары не увасобленыя, непадатлівыя чалавечым намаганням.

Адносна на ўсё ёсць воля лёсу. І, напэўна, чалавек прыходзіць у гэты свет, каб тварыць.

Тварыць дабро”.

 

Пажадаем Святлане далейшых творчых поспехаў.

Оставить комментарий

Ваш электронный адрес не будет опубликован.


*


Нажмите, чтобы прослушать выделенный текст!